សេចក្ដីជូនដំណឹង​ស្ដីពី ការប្រឡង​ជ្រើសរើស​គ្រូ​បង្រៀន​កម្រិត​ឧត្ដម បរិញ្ញា + ១

ក្រសួង​អប់រំ យុវជន និង​កីឡា ត្រូវការ​ប្រឡង​ជ្រើសរើស និង​បណ្ដុះបណ្ដាល​គរុនិស្សិត​កម្រិតឧត្ដម ​ចំនួន ១ ០២២​នាក់ តាមប្រព័ន្ឋ​បណ្ដុះបណ្ដាល "បរិញ្ញា + ១" ឱ្យ​ចូលរៀន​នៅ​ថ្ងៃទី​០១ ខែ​វិច្ឆិកា ឆ្នាំ​២០១៣ នៅ​វិទ្យាស្ថាន​ជាតិអប់រំ ។ I. លក្ខខណ្ឌ​នៃ​ការជ្រើសរើស ជ្រើសរើស​ក្នុង​ចំណោម​បេក្ខជន​ទាំងពីរ​ភេទ៖ ១. ជានិស្សិត​សុទ្ឋសាធ ដែល​ពុំទាន់​មាន​ការងារ​ក្នុង​ក្របខ័ណ្ឌរដ្ឋ ។ ២. ជាបុគ្គលិក​ក្របខ័ណ្ឌ​ក្រសួង​អប់រំ យុវជន និង​កីឡា ដែល​បាន​តាំងស៊ប់​ក្នុង​ក្របខ័ណ្ឌរដ្ឋ​រួចហើយ ។ ៣. មាន​សញ្ជាតិ​ខ្មែរ មាន​ជីវប្រវត្ដិ​ច្បាស់លាស់ និង​មាន​សុខភាពល្អ មាន​សញ្ញាបត្រ​ចាប់ពី​បរិញ្ញាបត្រ ឬ​សញ្ញាបត្រ​ដែល​មានតម្លៃ​សមមូល​ឡើងទៅ និង​មាន​អាយុ​មិនលើស​ពី​៣០​ឆ្នាំ សម្រាប់​និស្សិត​សុទ្ឋសាធ និង​អាយុ​ក្រោម​៥៩​ឆ្នាំ សម្រាប់​បុគ្គលិក​សិក្សា គិត​ដល់​ថ្ងៃទី​២៧ ខែ​កញ្ញា ឆ្នាំ​២០១៣ ។ ៤. សញ្ញាបត្រ ឬ​វិញ្ញាបនបត្រ​បណ្ដោះអាសន្ន ត្រូវ​បញ្ជាក់​វាយតម្លៃ​ទទួល​ស្គាល់​ពី​ក្រសួង​អប់រំ យុវជន និង​កីឡា ។ សូម​ទាញ​យក​សេចក្ដី​ជូន​ដំណឹង​លម្អិត៖  សេចក្ដីជូនដំណឹង​ស្ដីពី ការប្រឡង​ជ្រើសរើស​គ្រូ​បង្រៀន​កម្រិត​ឧត្ដម បរិញ្ញា + ១ (642.58 kB)