> លួចស្នេហ៍ដួងចន្ទ្រ

                    លួចស្នេហ៍ដួងចន្ទ្រ
១. វាយោយប់ស្ងាត់          ពពកបាំងបាត់              រស្មីចន្ទ្រថ្លា


សល់តែរូបបង                 កណ្តែងឯកា                 ដួងចិត្តប្រេះឆា

                                      ត្បិតខ្លួនក្រក្រី ។

២. មារចិត្តកំណាច           អន្ធកាលកោងកាច         គម្រក់អវចីយ៍

ឆក់យកនួនល្អង                រៀមប៉ងថ្នមបី               ចន្រ្ទអើយប្រណី

                                      ដួងចិត្តកំព្រា ។

៣. ដៃខ្លីកុំតោង                 ខ្លួនទាបកុំឈោង            ស្រវាចន្រ្ទា

ចន្រ្ទខ្ពស់ត្រដែត                ត្រសែតវាហារស៍            បងគ្មានវាសនា

                                      បានថ្នាក់ថ្នមចន្រ្ទ ។

៤. ជីវិតកម្សត់                 ទ្រាំរស់ខំអត់                    ចិត្តមិនប្រច័ណ្ឌ

មិនខឹងតារា                     ហេហាររយពាន់              រះប្រឡែងចន្រ្ទ

                                     ជំនួសរៀមរា ។

៥. តើថ្ងៃណាទៅ             ព្រលឹងពាលពៅ                អូនព្រមវាចា

ច្យុតចុះមក                     រួមរ័ក្សស្នេហា                   សូមអូនអនិច្ចារ

                                    សសា(ង្ក)កម្សត់ ។

៦. រស់ទាំងក្រមាន          មិនខ្មាស់មិនអៀន               ជីវិតទុរគត

រកប្រាក់កាសរៀន           ដោយក្តីអំណត់                  តាំងចិត្តអត់ធ្មត់

                                    ក្រេបយកវិជ្ជា ។

៧. ជីវិននិស្សិត              ក្រីក្រពិតៗ                         ទុក្ខសោកវេទនា

លួចស្នេហ៍ព្រលឹង          រំពឹងជាគ្នា                          សុបិនពុំងារ

                                   ត្រកងថ្នមបី ។

៨. ឱ! ដួងចន្រ្ទថ្លា            សូមអ្នកករុណា                   ជីវិតកវី

ឋានៈតូចទាប                ឱនលំទោនថ្លៃ                      ចាំងជះរស្មី

                                  ប្រោសព្រំអន្ធកាល ។

                                                                       ដោយ ឡឹក ជំនោរ

                                                         វៀងចន្ទន៍, ០៩ អុកតូបប្រឺ៍ ២០០៧(១៨.០០ម៉)