មនុស្សសំខាន់ៗល្បីដែលមានឥទ្ធិពលលើពិភពលោកនាឆ្នាំ២០១២

មនុស្សសំខាន់ៗដែលមានឥទ្ធិពលលើពិភពលោកនាឆ្នាំ២០១២

            ពេលវេលាទាំងឡាយបានកន្លងផុតទៅគ្មានឈប់ឈរ ភ្លេចៗឆ្នាំ២០១២ ក៏បានចប់ភារកិច្ចហើយចូលជំនួស ដោយឆ្នាំថ្មី២០១៣ ជីវិតទាំងឡាយក៏ហាក់ដូចជានៅតែបន្ត។ ការផ្លាស់ប្តូរទៅនៃឆ្នាំ២០១២ ក៏បានធ្វើឱ្យពិភពលោក មួយដុំនេះរសើបរកទីបំផុតគ្មាន នូវព្រឹត្រឹត្តិការណ៍ ផ្សេងៗ នៅទីនេះប៉ាកកាខ្មែរសូមលើកយកបុគ្គលសំខាន់ និង មនុស្សល្បីនៅពិភពលោកក្នុងឆ្នាំ២០១២កន្លងមួយចំនួនមកចែកជូន៖

ប្រធានាធិបតីសហរដ្ឋអាមេរិកលោក Barack Obama

           នៅក្នុងឆ្នាំនេះ​នរណាក៏បាន​ដឹង​ដែរថា នរណាជាមនុស្សសំខាន់របស់ពិភពលោក និងសហរដ្ឋអាមេរិក​គឺប្រធានាធិបតីបារ៉ាក់ អូបាម៉ា ដែលបានគ្រងតំណែងប្រធានាធិបតីសហរដ្ឋអាមេរិកជាលើកទី២ ។ មិនតែ ប៉ុណ្ណោះបុគ្គលដ៏មាន​ឥទ្ធិពលម្នាក់នេះ​ក៏បាន​​​ទស្សនាវដ្តី Time ជ្រើសរើស​ជាបុគ្គលសំខាន់ប្រចាំឆ្នាំរបស់ខ្លួន ផងដែរ។ ឥទ្ធិពលដ៏ខ្លាំងក្លានេះ ប្រធានាធិបតីពិភពលោករូបនេះ​បាន​ទទួលខុសត្រូវ​នូវរាល់បញ្ហារបស់ ពិភព​លោក ដែលកើតឡើងនាឆ្នាំ២០១២នេះ​យ៉ាងមិនដកដៃ ទោះបីជាសេដ្ឋកិច្ចរបស់សហរដ្ឋហាក់កំពុងតែមាន​វិបត្តិ​ក៏ដោយ ហើយសរុបដោយខ្លី​គឺប្រព័ន្ធហិរញ្ញវត្ថុត្រូវកាត់បន្ថយ​ហើយបន្ថែមផាស៊ីដោយស្វ័យប្រវត្តិ ដើម្បី​បន្ថយ​បំណុលរបស់រដ្ឋាភិបាល​អាមេរិកដែលបានបន្ថែមជាបន្តបន្ទាប់។

             យ៉ាងណាក៏ដោយលោកក៏​ជាប្រធានាធិបតីអាមេរិក​ទី១  នៃប្រវត្តិសាស្ត្រអាមេរិក​ដែល​បាន​ធ្វើដំណើរ​​មក​ប្រទេសកម្ពុជា​ចូលរួមកិច្ចប្រជុំកំពូលអាស៊ានលើកទី​២១ ​នៅប្រទេសកម្ពុជា។  

 ផារ៍គ ជេសាង (Gangnam Style, 강남스타일)

          តារាចម្រៀងជនជាតិកូរ៉េ ខាងត្បូង អាយុ៣៤ ឆ្នាំរូបនេះបានសាងប្រវត្តិសាស្ត្រនៃក្បាបច់រាំរបស់ខ្លួន ដែលធ្វើឱ្យអ្នកគាំទ្រលើពិភពលោករាប់ទាំង Spot ឃោសនាផ្សេងបានត្រាប់តាម។ វប្បធម៌នៃសិល្បៈ​សម្រៀង​ក្បាច់​រាំ Gangnam Style 강남스타일 បានចូលជ្រាបក្នុងស្រទាប់អ្នកស្នេហាសិល្បៈតាំង​ពីកុមាររហូតដល់​មនុស្សចាស់ ហើយមានផលិតកម្មជាច្រើនបានយកលំនាំតាម។ ជាងនេះទៅទៀតបទចម្រៀងនេះត្រូវបានផ្សាយ​លើប្រព័ន្ធ youtube ហើយមានអ្នកចូលទស្សនាច្រើនជា ១,០០០ លាន ដងផងដែរ។

His Royal Highness Prince William Duke of Cambridge; William Arthur Philip Louis.

       ព្រះអង្គម្ចាស់វីលាម នៃចក្រភពអង់គ្លេស។ ចំពោះព្រះអង្គម្ចាស់រូប​នេះ​ក្នុងឆ្នាំ​នេះ​ជាដំណឹង​មួយ​យ៉ាងរីករាយ​ចំពោះចក្រភពអង់គ្លេស និង​ពិភពលោក ដែលមហេសី​ ដាច់ឆេស របស់ខែមប្រីត ឬមនុស្ស​ទូទៅស្គាល់នាងថា ម្នាក់នាង​ ខេត ព្រះជាយាព្រះអង្គម្ចាស់ វីលាម រាជទាយាទទី២ របស់អង់គ្លេស​មាន​ព្រះគភ៌។

អង់គេឡា ដូរ៉ូធា មើរ៍ឃើល (Angela Dorothea Merkel)

               អ្វីដែលមិនអាច​ភ្លេចបាន​នោះគឺស្រី្ត​​ម្នាក់ស្ថិតក្នុងសម័យវិបត្តិសេដ្ឋកិច្ច លោកស្រី អង់គេឡា ដូរ៉ូធា មើរ៍ឃើល(Angela Dorothea Merkel) បាន​ក្លាយ​ជានាយករដ្ឋមន្ត្រីប្រទេសអាល្លឺម៉ង់ ដែលនៅពេលនេះ​ប្រៀប​បាន​នឹងសសរទ្រូងមួយ​យ៉ាង​សំខាន់របស់អឺរ៉ុប​ហើយ​សន្យាថា នឹង​មិនឱ្យសេដ្ឋកិច្ចអឺរ៉ុបស្រុតចុះពិសេស​គឺ​ប្រាក់អឺរ៉ូ ព្រោះកន្លងមក​អាល្លឺម៉ង់ប្រៀបដូចជាបងធំក្នុង​ចំណោម​ប្រទេសក្នុងសហគមន៍អឺរ៉ុប។  

ស៊ី ជីភីង (Xi Jinping, ចិន: 习近平)

          នៅក្នុងអាស៊ីនេះគ្មាននរណាឡើយដែលមានឥទ្ធិពលលើ (Xi Jinping, ចិន: 习近平) ជីភីង ជាប្រធានាធិបតីថ្មីនៃសាធារណៈរដ្ឋប្រជាមានិតចិន ដែលទើបតែបានទទួលការជ្រើសតាំងកាលពីខែមិថុនាឆ្នាំ២០១២ កន្លងទៅ ឱ្យមានគ្រប់គ្រងមហាយក្សនៅអាស៊ីខណៈនេះ ដោយបន្តតំណែងពីលោក ហ៊ូ ជីនថៅ ហើយនឹងធ្វើការផ្លាស់ប្តូរតំណែងជាផ្លូវការនៅខែមីនាឆ្នាំ២០១៣ នេះ។

 

តេង សេង (ភូមា៖ သိန်းစိန်၊ ဦး)

           ងាកមកប្រទេសក្នុងតំបន់វិញ លោក តេង សេង ត្រូវបានជាប់ឆ្នោតជាប្រធានធិបតីភូមា ហើយបានក្លាយជាចំណុចរសើបគួរឱ្យចាប់អារម្មណ៍របស់ពិភពលោក ក្រោយពេលដែលប្រទេសនេះបានផ្លាស់ប្តូររបបគ្រប់គ្រងមកជាសេរី។ ជាងនេះទៅទៀតវារៈ នៃប្រធានាធិបតីរូបនេះបានដោះលែងលោកស្រីអ៊ុងសាន ស៊ូជី ឱ្យមានសរីភាព ហើយមកអង្គុយក្នុងតំណែងសភាតំណាងរាស្ត្រក្នុងគណក្សប្រឆាំង។ ខណៈនេះតេង សេង បានបំពេញមុខមាត់សមាសភាពនយោបាយដល់ប្រទេសជាតិ ដែលកន្លងមកជារដ្ឋាភិបាលផ្តាច់ការយោធានោះ។ យើងក៏អាចសង្កេតផងដែរថា ភូមាពេលនេះកំពុងជាប់យ៉ាងណែនជាមួយបងធំ អាមេរិក។

 

គីម ជុងអីន និង រី ស៊លជួ

គីម ជុង អីន ជាមេដឹកនាំអាយុទាបបំផុតរបស់កុរ៉ខាងជើង។ លោកគី ជុងអីន មានភរិយា ឈ្មោះ រី ស៊ល ជូ ។

 

ប៉ារ៍គ គីនហេ

      លោកស្រីប៉ារ៍គ គីនហេ ជាប្រធានាធិបតីស្រ្តីទី១ ក្នុងប្រវត្តិសាស្ត្រកូរ៉េ ហើយជាការចាប់អារម្មណ៍​មួយរបស់អាស៊ី ក្រោយពេលបោះឆ្នោតជ្រើសរើសថ្មីៗនេះ។ មិនដឹងថា ប្រជាជនកូរ៉េផុតក្តីកង្វល់ ឬបើថ្នាក់​ដឹកនាំម្នាក់នេះព្យាយាមរួបរួមអំណាចដូចជាឪពុកខ្លួនលោក ប៉ារ៍គ ជុង ហ៊ី អតីតមេដឹនាំផ្តាច់ការរបស់កូរ៉​ខាងត្បូងដែលបានដឹកនាំប្រទេស ពីឆ្នាំ១៩៦១-១៩៧៩ នោះ។

មហាម៉េត ម៉រ៍ស៊ី

              លោក មហាម៉េត ម៉រ៍ស៊ី ប្រធានាធិបតីអេហ្ស៊ីប បានជ្រើសរើសធ្វើជាប្រធានាធិបតី ដោយ​សំឡេងឆ្នោតរបស់ប្រជាជន ក្រោយពីព្រឹត្តិការណ៍បដិវត្តន៍ផ្កាម្លិះ ផ្តូររំលំមេដឹកនាំផ្តាច់ការលោក ហសនី មួបារ៍គ ។

 

ឆារ៍ អាល់ អាស្សាត

                 បាឆារ៍ អាល់អាស្សាត មេដឹកនាំផ្តាច់ការស៊ីរី។ ទោះបីមានការគាបសង្កត់ពីអន្តរជាតិ និងប្រជាជន​ក្នុងប្រទេសដែលប្រឆាំងតស៊ូសង្រ្គាមស៊ីវិលក៏ដោយ អាស្សាត ក៏បានគ្រប់គ្រងអំណាចទុកបានយ៉ាងជាប់ស្អិត ប៉ុន្តែក៏ត្រូវប្តូរជាមួយជីវិតប្រជាជន និងទាហានចំនួន ៤០,០០០ នាក់ ហើយដែលនៅបន្ថែមរឿយៗ។

រូបថត និងអត្ថបទ មកពី ថៃរ៉ាត់