ចំប៉ីបាត់ដំបង
ដោយ: ស៊ូ ខេមរិន្ទ
១. ជួបគ្នាឥតព្រៀង ចម្រៀងដួងចិត្ត
ជម្រៅស្នេហ៍ពិត ជំរិតវាសនា
ដីភូមិរំចេក រៀមផ្ដេកចិន្ដា
កវីប្រាថ្នា ចារឹករឿងថ្មី ។
២. ដងស្ទឹងសង្កែ លាក់ថែសុបិនបានជួបមាសឆ្អិន ភូមិចិនដាំស្ពៃ
បេះដូងចំណាស់ ប៉ះទងចំបីុ
សុំប្ដូរទឹកដី រស់ក្បែរថ្លៃហើយ ។
R. ស្ពានថ្មឆ្លងស្ទឹង ដឹងរឿងនួនល្អង
ក្រុងបាត់ដំបង ចងក្រងចម្លើយ
ជំនោរចុងឆ្នាំ ផ្ដាំផ្ញើត្រាណត្រើយ
ព្រលឹងបងឣើយ ខ្នើយមួយស្មោះស្ម័គ្រ ។
ក្រុងបាត់ដំបង ចងក្រងចម្លើយ
ជំនោរចុងឆ្នាំ ផ្ដាំផ្ញើត្រាណត្រើយ
ព្រលឹងបងឣើយ ខ្នើយមួយស្មោះស្ម័គ្រ ។
៤. ឱ ! ភូមិរំចេក ផ្ទៃមេឃពណ៌ខៀវ
បើអូនដូចទាវ បងស្មោះមរណ:
ពុះស្ទឹងសង្កែ កប់ស្នេហ៍អមត
ទាញស្ពានឲ្យបាក់ ឆ្លាក់ឈ្មោះអូនបង ។
បើអូនដូចទាវ បងស្មោះមរណ:
ពុះស្ទឹងសង្កែ កប់ស្នេហ៍អមត
ទាញស្ពានឲ្យបាក់ ឆ្លាក់ឈ្មោះអូនបង ។
០១ កញ្ញា ២០១៥ រក្សាសិទ្ធិ
រូបភាព និងការចុះផ្សាយរក្សាសិទ្ធិដោយកវី ស៊ូ ខេមរិន្ទ
1 comment:
សង្ឃឹមថា អនាគត យើងមានអ្នកនិពន្ធដែលអាចសរសេរខ្លឹមសារបទចម្រៀងល្អបែបនេះជាច្រើនទៀត។
ស៊ូៗៗ
Post a Comment