សំរោងដួងចិត្ត និពន្ធដោយកវីម្ចាស់ស្ទឹងសែន ស៊ូ ខេមរិន្ទរ៍

១. ជំនោរទន់ស្រាល ផាត់ដាលចុងស្រូវ    វាលស្រែអមផ្លូវ អនុស្សាវរីយ៍

បងអ្នកដើរលេង វង្វេងផែនទី    ផ្លូវជាតិលេខពីរ ទៅលើកដំបូង ។

២. ឱ! ឃុំជើងគួន លាក់ពួនកវី   បងយល់ភក្ត្រស្រី ដីស្រុកសំរោង

ទ្វារវត្តចិញ្ចែង ផ្លូវវែងបត់កោង    ខាបយកបេះដូង បងញ័រចំប្រប់ ។

R. យប់ដប់បួនរោច រនោចបុណ្យភ្ជុំ     រៀមគេងផ្ទះម៉ុម សុំស្បៃដណ្ដប់

វាំងននដួងចិត្ត បាំងបិទយល់សប្ដិ    បើសិនអូនស្អប់ ចប់ហើយជាតិហ្នឹង ។

៣. ឱ ! ស្រុកសំរោង សុំតោងស្បៃផង   ភូមិថ្កូវក្រាំងលង បងលួចសួរជ្រឹង

ជើងគួនជួបគូ មិនយូរព្រលឹង     រៀមចូលដណ្ដឹង អូនជាគូហើយ ។

១៤ តុលា ២០១៥ រក្សាសិទ្ធិ

រៀបរៀងដោយ  ម្ចាស់ប៉ាកកា 

សូមអរគុណ យូធូបមរតកចម្រៀងខ្មែរ ដែល​ជួយផ្សាយបន្ត!

https://www.youtube.com/watch?v=cqCe_6t6z-s