សកម្មភាពរបស់សិក្ខាកាមក្នុងឱកាសបើកសិក្ខាសាលាថ្នាក់ជាតិលើកទី១ស្ដីអំពីវិធីសាស្ត្រស្រាវជ្រាវភ្នំពេញថ្ងៃទី០៨ ខែមិថុនា ឆ្នាំ២០១៣រូបភាព៖ អង្គការវិទ្យាស្ថានបើកទូលាយ
ថ្ងៃទី១៧ ខែមិថុនា ឆ្នាំ២០១៣ ភ្នំពេញ ៖ អង្គការ វិទ្យាស្ថានបើកទូលាយបាន បានរៀបចំសិក្ខាសាលាថ្នាក់ជាតិលើកទី១ស្ដីអំពីវិធីសាស្ត្រ ស្រាវជ្រាវ ក្រោមកិច្ចសហការពី នាយកដ្ឋានឧត្ដមសិក្សានៃក្រសួងអប់រំ យុវជន និងកីឡា និងឧបត្ថម្ភថវិកាដោយភ្នាក់ងារអេស្ប៉ាញសម្រាប់កិច្ចសហប្រតិបត្តិការអភិវឌ្ឍអន្តរជាតិ (AECID) នៅថ្ងៃទី៨ ៩ ខែមិថុនា ឆ្នាំ២០១៣ នៅសណ្ឋាគារសាន់វេ។ សិក្ខាសាលានេះរៀបចំឡើងក្នុងគោលបំណងបង្កើនការសិក្សាស្រាវជ្រាវក្នុងគ្រប់វិស័យជាភាសាជាតិដោយប្រើប្រាស់បច្ចេកទេសស្រាវជ្រាវត្រឹមត្រូវតាមប្រភេទមុខវិជ្ជាដោយប្រមូលផ្ដុំអ្នកមានបទពិសោធន៍ក្នុងការសិក្សាស្រាវជ្រាវមកធ្វើបទបង្ហាញពីវិធីសាស្ត្រ និងបច្ចេកទេសស្រាវជ្រាវ និងសំណើស្រាវជ្រាវដល់សិក្ខាកាមដែលបានចូលរួម ។ មានសិក្ខាកាមចំនួន ៣២២នាក់ ដែលជាសិស្ស/និស្សិត គ្រូបង្រៀន បុគ្គលិកអង្គការសង្គមស៊ីវិល មន្ត្រីរាជការ បុគ្គលិកក្រុមហ៊ុនឯកជនបានចូលរួមក្នុងសិក្ខាសាលានេះ។
លោកបណ្ឌិត អ៊ុន លាង លោក Juan Pita ឯកឧត្ដមម៉ក់ ង៉យ លោកស្រីជឹម ម៉ាណាវី នឹងលោកបណ្ឌិត និត ប៉ុនឡាយក្នុងឱកាសបើកសិក្ខាសាលាថ្នាក់ ជាតិលើកទី១ស្ដីអំពីវិធីសាស្ត្រស្រាវជ្រាវ
ភ្នំពេញថ្ងៃទី០៨ ខែមិថុនា ឆ្នាំ២០១៣
រូបភាព៖ អង្គការវិទ្យាស្ថានបើកទូលាយមាន ប្រសាសន៍ស្វាគមន៍ក្នុងកម្មវិធីសិក្ខាសាលានេះដែល លោកបណ្ឌិត អ៊ុន លាង អនុប្រធាននាយកដ្ឋានឧត្ដមសិក្សាបានបញ្ជាក់ថា"សិក្ខាសាលានេះ គឺជា ការចែករំលែកបទពិសោធន៍នៃការសិក្សាស្រាវជ្រាវ និងពង្រឹងវិធីសាស្ត្រពិតប្រាកដដើម្បីនាំមកនូវចំណេះដឹងនៅ ក្នុងការស្វែងរកបញ្ហាពិតប្រាកដ"។
ឯកឧត្ដមម៉ក់ ង៉យ អគ្គនាយកនៃអគ្គនាយកដ្ឋានឧត្ដមសិក្សាបានមានប្រសាសន៍ថា "កម្មវិធីរបស់សិក្ខាសាលាថ្ងៃនេះគឺពិតជាមានសារៈសំខាន់ ដោយមានវាគ្មិននឹងធ្វើការបង្ហាញ អំពីវិធីសាស្ត្រនៃការស្រាវជ្រាវ ហើយដើម្បីយើងអាចធ្វើការស្រាវជ្រាវបាន យើងត្រូវតែកំណត់នូវវិធីសាស្ត្រនៃការស្រាវជ្រាវឲ្យបានច្បាស់ លាស់។..." លោកបានបន្តថា"ខ្ញុំសង្ឃឹមថាបទពិសោធន៍ដែលវាគ្មិនយកមកបង្ហាញ ក្នុងអង្គសិក្ខាសាលារយៈពេលមួយថ្ងៃកន្លះនឹងបង្ហាញនូវភាពសំបូរបែប នៃវិធីសាស្ត្រស្រាវជ្រាវ។..."
លោក Juan Pita អ្នកសម្របសម្រួលប្រចាំប្រទេស នៃភ្នាក់ងារអេស្ប៉ាញសម្រាប់កិច្ចសហប្រតិបត្តិការអភិវឌ្ឍអន្តរជាតិ (AECID)បានមានប្រសាសន៍ថាភ្នាក់ងារអេស្ប៉ាញសម្រាប់កិច្ច សហប្រតិបត្តិការអភិវឌ្ឍអន្តរជាតិ (AECID) គឺជាដៃគូរយៈពេលយូរ ជាមួយគណៈកម្មាធិការជាច្រើនដើម្បីធ្វើការគាំទ្រលើមធ្យោបាយដែល ទទួលបានចំណេះដឹងក្នុងប្រទេសកម្ពុជាតាមរយៈអង្គការវិទ្យាស្ថាន បើកទូលាយ ជាអង្គការក្នុងស្រុក ជាពិសេសជាមួយលោកស្រីជឹម ម៉ាណាវី និងលោក ហាបៀរ សូឡា ធ្វើការក្នុងប្រទេសកម្ពុជា។
លោកបានបន្ត ថាភ្នាក់ងារអេស្ប៉ាញសម្រាប់កិច្ចសហប្រតិបត្តិការអភិវឌ្ឍអន្តរជាតិ (AECID) បានបន្តធ្វើការគាំទ្រដល់ដំណើរការនៃមធ្យោបាយដែលទទួលបានចំណេះ ដឹង និងវប្បធម៌ខ្មែរចេញពីទស្សនៈផ្សេងគ្នា ដែលអនុវត្តដោយអង្គការវិទ្យាស្ថានបើកទូលាយ។ លោកបានបញ្ជាក់បន្ថែមថា"ខ្ញុំជឿជាក់ថាចំណេះដឹង គឺជាមូលដ្ឋានគ្រឹះនៃសេរីភាព និងការអភិវឌ្ឍន៍ដ៏ពិតប្រាកដ។..."
លោកបានបន្ត ថាភ្នាក់ងារអេស្ប៉ាញសម្រាប់កិច្ចសហប្រតិបត្តិការអភិវឌ្ឍអន្តរជាតិ (AECID) បានបន្តធ្វើការគាំទ្រដល់ដំណើរការនៃមធ្យោបាយដែលទទួលបានចំណេះ ដឹង និងវប្បធម៌ខ្មែរចេញពីទស្សនៈផ្សេងគ្នា ដែលអនុវត្តដោយអង្គការវិទ្យាស្ថានបើកទូលាយ។ លោកបានបញ្ជាក់បន្ថែមថា"ខ្ញុំជឿជាក់ថាចំណេះដឹង គឺជាមូលដ្ឋានគ្រឹះនៃសេរីភាព និងការអភិវឌ្ឍន៍ដ៏ពិតប្រាកដ។..."
អត្ថបទដែលទាក់ទង
No comments:
Post a Comment